tokibububu
@tokibububu
今日凌晨（7月3日 凌晨 1:30 左右），我哋喺元朗教育路麥當勞樓下藥房門口，執到一隻極親人嘅三色貓。 當時見佢徘徊，初時以為係藥房貓，但近睇發現身型唔算好大隻，身上戴住兩個頸圈（其中一個有士多啤梨 Pattern 🍓）。 現場等咗一段時間都冇人認領，因為啱啱起風（一號風球），擔心佢安全，我哋已經帶咗去 WeHug 檢查，確認 【冇晶片】。 目前貓貓好安全，今晚會由我暫時收留先，希望快啲幫佢搵返主人！ 🐾 貓貓特徵： - 花紋： 三色貓（Calico），面部有對稱嘅黃色、黑色同白色花紋，手腳係白色（白襪仔）。 - 性格： 超級痴人、唔驚人。 - 特徵： 戴有兩個頸圈（一個有士多啤梨 pattern）。 - 尋獲時間： 2026年7月3日 凌晨 1:30 左右 - 尋獲地點： 元朗教育路麥當勞樓下藥房 請主人見到儘快聯絡我！ ⚠️ 【認領防騙】：請主人聯絡我時，必須提供貓貓平時嘅生活照 / 影片，以及講出另外一個頸圈嘅顏色/款式以作核實，謝謝！ 歡迎大家幫手轉發，希望貓貓可以快啲返屋企！🙏
